მსხვილმა IT- კომპანიებმა ინტერნეტში მუშაობის პრინციპები
ჩამოაყალიბეს. აღნიშნული პრინციპების დახმარებით Google, Yahoo და
Microsoft ინტერნეტში სიტყვის თავისუფლებასა და მომხმარებლთა
კონფიდენციალური მონაცემების დაცვას აპირებენ. ამ წესების შემუშავებაში
კომპანიების წარმომადგნელბეთან ერთად მონაწილეობას ინვესტორები, მეცნიერები
და ადამიანთა უფლებების დამცველი ორგანიზაციებიც იღებდნენ. Yahoo-ს
ხელმძღვანელის ჯერი იანგის განცხადებით, ეს პრინციპები თითოეული
კომპანიისთვის განვითარების სტრატეგიის საფუძვლად უნდა იქცეს,
განსაკუთრებით კი ისეთ ქვეყნებში, სადაც სიტყვის თავისუფლება და პირადი
ცხოვრების ხელშეუხლებლობა არასათანადოდაა დაცული. მაგალითად ჯერი იანგმა
მოიყვანა ჩინეთი, სადაც ხელისუფლებასთან თანამშრომლობისთვის Yahoo-სა და
Google-ს არასამთავრობო ორგანიზაციები მკვეთრად აკრიტიკებენ. შეგახსენებთ,
სწორედ ამ თანამშრომლობის შედეგად ორი ჩინელი ჟურნალისტი იქნა
დაპატიმრებული, აღმოჩნდა, რომ ხელისუფლებას მათ მიმოწერაზე მიუწვდებოდა
ხელი. რაც შეეხება, ინტერნეტ-გიგანტს, იგივე ორგანიზაციების განცხადებით,
Google-ის საძიებო მოთხოვნა ჩინეთის ხელისუფლების ცენზურას გადის.
|