Personal site

UH-1Y SUPER HUEY

guka333 — Wed, 31 Mar 2010 19:05:10 GMT

UH-1Y SUPER HUEY აშშ-ს საზღვაო ქვეითთა სავერტმფრენო პაკეტი ბოლო 40 წლის განმავლობაში,ძირითადად კომპანი BELL-ის მრავალმიზნობრივი ვერტმფრენებისგან UH-1 და AH-1 -ებისგან შედგება. AH-1Z და UH-1Y საავიაციო ტექნოლოგიის უახლესი მიწევებით აღჭურვილი ვერტმფრენების მოდერნიზებული ვარიანტებია.ვერტმფრენი UH-1Y SUPER HUEY განკუთვნილია სადესანტო ჯგუფების გადასასხმელად და მათი საცეცხლე მხარდაჭერისთვის.ვერტმფრენი აღჭურვილია ორი 1286 ცხენის ძალის მქონე ტურბოხრახნიანი ძრავით.მისი მაქსიმალური სიჩქარე 304 კილომეტრს შეადგენს საათში,მოქმედების სიშორე კი 648 კილომეტრს,სასარგებლო დატვირთვა 2,5 ტონას. AH-1Z SUPER COBRA”

აინშტაინის გამონათქვამები

guka333 — Wed, 31 Mar 2010 17:38:29 GMT

ორი რამ არის უსასრულო: ჩვენი სამყარო და სისულელე. ისე მაინც ეჭვი მეპარება, სამყარო უსასრულო იყოს.არ ვიცი რა იარაღი იქნება გამოყენებული მესამე მსოფლიო ომში, მაგრამ ცხადია რომ მეოთხეში მხოლოდ ჯოხები და ქვები იქნება.

მოგებულია ომი, მაგრამ არა მშვიდობა.ადამიანების უმეტესობა ამბობს, რომ ინტელექტი ქმნის დიდ მეცნიერს. ისინი სცდებიან: დიდ მეცნიერს ჰქმნის ხასიათი.ღმერთი კამათელს არ თამაშობს! (ალბათობის თეორიაზე გაღიზიანებულმა თქვა ეს სიტყვები)

პოლიტიკა უფრო რთული რამაა, ვიდრე ფიზიკა.

მე არასოდეს ვფიქრობ მომავალზე, ის ისედაც საკმაოდ სწრაფად მოდის.

მეცნიერება რელიგიის გარეშე კოჭლია, რელიგია მეცნიერების გარეშე – ბრმა.

კაცები იმიტომ ქორწინდებიან ქალებზე, რომ იმედოვნებენ, ისინი არასდროს შეიცვლებიან, ქალებს კი ,პირიქით, იმედი აქვთ, შეძლებენ კაცების შეცვლას. საბოლოოდ ორივე მათგანი იმედგაცრუებული რჩება.

რელიგია, ხელოვნება და მეცნიერება, ერთი და იგივე ხის სხვადასხვა ტოტებია.

მეცნიერება არის კაცი, რომელიც ამჯობინებს, გამოთვალოს, ვიდრე ივარაუდოს.

გენიალურობა სიმარტივეშია.

ცოდნა საჭიროა, მაგრამ ცოდნაზე უფრო საჭირო ფანტაზიის უნარია.

ღმერთისთვის ჩვენ ყველა ერთნაირად ბრძენი და ერთნაირად სულელნი ვართ.

ჟეშმარიტება არის ის, რაც უძლებს ექსპერიმენტებს.

გენიალობა იმით განსხვავდება სიბრიყვისაგან, რომ გააჩნია საზღვარი.

ინტელექტუალები წყვეტენ პრობლემებს, ხოლო გენიოსები თავიდან იცილებენ მათ.

როცა ჩნდება მნიშვნელოვანი პრობლემა, მას იმავე აზროვნების დონით ვერ გადავწყვეტთ , რომელზეც ჩვენი გონება იმყოფებოდა, როცა ეს პრობლემა შექმნა.

გეომეტრიის აქსიომები ვინმეს ინტერესს რომ ეხებოდეს, მათ უეჭველად უარყოფდნენ.

მხოლოდ მაშინ გესმის რაიმე საფუძვლიანად, თუკი შეგიძლია ეს ბებიაშენსაც კი აუხსნა.

იმას, ვისაც არასდროს დაუშვია შეცდომა, არასდროს უცდია რაიმე ახლის შექმნა.

ყველაზე რთულია გაიგო, რატომ იხდი საშემოსავლო გადასახადს.

ოცნება უფრო მნიშვნელოვანია, ვიდრე ცოდნა.

პანდა

OnlyMe — Tue, 30 Mar 2010 18:45:39 GMT

პანდა (ბამბუკის დათვი) – ძუძუმწოვარი ცხოველი . იგი მიეკუთვნება ენოტისებრთა ოჯახს. მისი სხეულის სიგრძე 1,5 მ-მდეა, წონა 100 კილოგრამს აღწევს. აქვს თეთრი ბალანი ყურებზე, ფეხებზე, კუდის წვერზე და შავი კი მხრების მიდამოებში. პანდა გვხვდება ჩინეთში. ბინადრობს მთიან ადგილებში. ხეებზე კარგად ცოცავს. იკვებება უმთავრესად ბამბუკის ყლორტებით.

სტერეოგრამა

OnlyMe — Tue, 30 Mar 2010 18:35:41 GMT

მესამე თვალი მეტაფიზიკური და ესოთიკური ცნებაა, რომელიც აინა ჩაკრას დასავლეთიასა და აღმოსავლეთის სპირიტულ ტრადიციებში მოიხსენიება. ეხლანდელი დროის.

სპირიტულიზმში მესამე თვალი შეიძლება ალტერნატიული გამოხატვაა განათლების ან სურათები რომელთაც ღრმა პირადული სპირიტული ან ფსიქოლოგიური დატვირთვა აქვთ. მესამე თვალს ხშირად აკავშირებენ ჩვენი მხედველობისთვის მიუწვდომელ არედ, აკავშირებენ გამჭრიახობასთან, შორსმჭვრეტელობასთან, განვითარებასთან და სხეულგარეთა გამოცდილებასთან. ვისაც მესამე თვალი ეხსნება მას შეუძლია დაეკონტაქტოს ჩვეულებრივი ადამიანისთვის უხილავ არსებებს რომლებიც დროის და სივრცის სხვა განზომილებიდან არიან.

ბანა

OnlyMe — Tue, 30 Mar 2010 18:30:20 GMT

ბანა, საქართველოს ერთ-ერთი საეკლესიო და სახელმწიფოებრივი ცენტრი ისტორიულ ტაოს ტერიტორიაზე, ჭოროხის ხეობაში, მდ. ბანის მარჯვენა ნაპირას. ამჟამად თურქეთის საზღვრებშია „ფანაკის" სახელწოდებით.
ფანაკის ჭეშმარიტ ქართულ სახელად უფრო ბანა ჩანს. „ქართლის ცხოვრებაში" ყველგან ბანა გვაქვს „…მოერთვის ჭოროხს მდინარე ბანა-ფანასკერტისა, გამომდინარე ყალნუ მთისა და მომდინარე აღმოსავლეთიდამ დასავლეთად. …ამ წყალზედ, მთაში არს ბანა, აწ უწოდებენ ფანაქს". ამ პუნქტის სახელი უფო ძველად მარტივად ბანა კი არ უნდა ყოფილიყო, არამედ ბანაკი (შდრ. აგარაკი → აგარა, მუშაკი → მუშა).

VII საუკუნის შუა წლებში აქ ააშენეს დიდი ტაძარი. ადარნასე II-ის დროს (881-923) დაარსდა ბანის საეპისკოპოსო, ხოლო ტაძარი გადაკეთდა. XI საუკუნის ისტორიკოსი სუმბატ დავითის ძე გვამცნობს, რომ ტაძარი აუგია დავით I კურაპალატის ძეს — ადარნესე II-ს, კვირიკე ბანელის ხელით, რომელიც ბანას პირველი ეპისკოპოსი გამხდარა. გარდაცვალების შემდეგ იქვე დაუკრძალავთ. ბანა ქართველ მეფეთა საზაფხულო სამყოფი და აგრეთვე მეფეთა განსასვენებელიც იყო. X-XI საუკუნეებში ბანში მოღვაწე ზაქარია ბანელის თაოსნობით ბევრი ძვირფასი ხელნაწერი შეიქმნა.ბანის ტაძარი ძველი ქართული ხუროთმოძღვრების თვალსაჩინო ძეგლია. დიდი ზომის მაღალ ტეტრაკონქს გარს ეკვრის თითქმის 40 მ დიამეტრის მრავალწახნაგა გარსშემოსავლელი. შუაში აღმართულია ცილინდრული გუმბათის ყელი. ტეტრაკონქის მკლავებს შორის განლაგებულია გუმბათქვეშა ბურჯები — პილონები, სადაც სამ იარუსად მოწყობილი სადგომებია (პატრონიკენი), ხოლო ოთხივე აფსიდის ქვემოთა ნაწილი, ჩვეულებრივი მთლიანი კედლის ნაცვლად, გამჭოლი თაღედით გარსშემოსავლელისაკენ იხსნება. შენობის მთელი სიმაღლე 30 მ აღემატება. ტაძრის ხუროთმოძღვრული დეტალები და მორთულობა ტექნიკური ოსტატობითა და მაღალმხატვრულობით გამოირჩევა. აფსიდებისა და პატრონიკეთა მალებში მოთავსებული მრგვალი სვეტები შემკულია ვოლუტებიანი სვეტისთავებით, ფასადის მთელ პერიმეტს მისდევს დეკორატიული თაღედი, თაღებს ზემოთ კი მცენარეული ჩუქურთმებია.
ვახუშტი ბატონიშვილის ცნობით, ბანელი ეპისკოპოსის ძალაუფლება ვრცელდებოდა ფანასკერტზე, ტაოზე, ოლთისზე და მათ მომიჯნავე ტერიტორიებზე.
ბანას დიდ ისტორიულ მნიშვნელობაზე მეტყველებს ის ფაქტიც, რომ აქ დაიწერა ჯვარი საქართველოს მეფე ბაგრატ IV-მ (1027-1072წწ.) ბიზანტიის იმპერატორის რომან არგირის დაზე — ელენეზე. აქვე, XV საუკუნეში დაკრძალეს საქართველოს მეფე ვახტანგი და მისი მეუღლე სიტი-ხათუნი.
ოსმალეთის იმპერიის დროს ბანას ტაძარი ციხე-სიმაგრედ გადაუქცევიათ და 1877-78 წლებში, რუსეთ-თურქეთის ომის პერიოდში ძლიერ დაზიანებულა. ბანაზე ვრცელი ისტორიული ცნობები მოცემული აქვს ექვთიმე თაყაიშვილს. XIX საუკუნის პირველ ნახევარში ბანა მოინახულა ცნობილმა გერმანელმა მოგზაურმა, სპეციალობით ბოტანიკოსმა კარლ კოხმა. „ეს უეჭველად ყველაზე მშვენიერი და დიდებული რამაა, რაც კი მსგავსი რამ მინახავს ოდესმე მთელს აღმოსავლეთში, თუ რა თქმა უნდა კონსტანტინეპოლს არ ჩავთვლით…" ბანა ოლთისიდან 33, ხოლო არტაანიდან 79 ვერსის მანძილზეა. 1889 წელს ფანაკში ნაჩვენებია 43 კომლი, ხოლო „დავთრის" დროის ფანაკში 36 კომლია (აქედან ორი კომლი მუსლიმია). ამ პერიოდში ფანაკს შეწერილი ქონია გადასახადი 30 000 ახჩის ოდენობით.

150 მაისური

{gio} — Sun, 28 Mar 2010 19:42:42 GMT

თავი აიფეთქა

{gio} — Sun, 28 Mar 2010 19:24:55 GMT

დეჟა ვუ, ანუ მეორდება თუ არა წამი

OnlyMe — Sun, 28 Mar 2010 16:12:50 GMT

დეჟა ვუ-ს ადამიანები ქვეცნობიერს, რეინკარნაციას, სხვა სამყაროდან შემორჩენი ფრაგმენტებს, სიზმრებს და ვინ იცის კიდევ რას აღარ უკავშირებენ.
მუდმივად მიდის მსჯელობა ამ ფენომენის შესახებ, მეცნიერები ამას ტვინის სახვადასხვა სფეროების არათანმიმდევრულ მუშაობას უკავშირებენ, ანუ როდესაც ერთი ნახევარსფერო აღიქვამს საგანს მეორე ნახევარსფერო შედარებით გვიან ამუშავებს აღქმით მიღებულ სურათს და როდესაც აღქმა დამუშავების ეტაპი მთავრდება გვაქვს იმის ილუზია, რომ ეს უკვე იყო, მარტივად ეს ყველაფერი დაახლოებით ასე იქნება >

ადამიანს გააჩნია უამრავი იმპულსი, თუმცა სამყაროს შესაგნებად და გასაგებად, ორი უმთავრესი არის მხედველობითი და აღქმითი. რაღაც საგანს ვხედავთ, თან ამ საგანს აღვიქვამთ კიდეც, აი მაგალითად როდესაც თვალი გვიშტერდება, ხდება აღქმითი იმპულსის გამოთიშვა, სხვადასხვა მიზეზების გამო (ფიქრებში წასვლა და ა.შ.). შესაბამისად მიუხედავად იმისა, რომ საგანს ძალიან კარგად ვხედავთ, ჩვენ მას ვერ აღვიქვამთ და რეალურად შეიძლება მეორე წამს ვერც ვთქვათ რა საგანზე გაგვიშტერდა თვალი. ან მეორე ვარიანტი – ბინდში ჩვენ კონკრეტულ საგანს ვერ ვხედავთ, მაგრამ გონების დაძაბვის შედეგად ჩვენ შეგვიძლია იგი დიდი გაჭირვებით აღვიქვათ (აქ აშკარაა რომ მხედველობითი იმპულსი წინ უსწრებს აღქმითს)

ზემოთ აღნიშნული ორივე იმპულსი აბსოლუტურად პარალელურად მოქმედებენ, ჩვენ საგანს ვხედავთ თუ არა, მაშინვე აღვიქვამთ, ანუ ვაწვდით მის შესახებ ინფორმაციას მთელ ტვინს, იმ შემთხვევაშიც კი თუ საგნის შესახებ არაფერი ვიცით. ნებისმიერ საგანს, პირველად დანახულსაც კი აქვს თავისი ნიშან-თვისებები, სწორედ ასეთი თვისებების შესახებ ინფორამცია მიეწოდება ტვინს. ანუ საგანს ვხედავთ და აღვიქვამთ, ვხედავთ და აღვიქვამთ. ნორმალურ პირობებში მხედველობითი იმპულსი რაღაც წამის მემილიარდედებში წინ უსწრებს აღქმითს..

დეჟავიუს შემთხვევაში კი ხდება აცდენა გზიდან. აღქმითი იმპულსი წინ უსწრებს მხედველობითს სხვადასხვა მიზეზიის გამო (გონებაგაფანტულობით, ან პირიქით ზედმეტი მობილიზაციით ან ფიქრებს აყოლით და ა.შ.). ანუ პირობითად რომ ვთქვათ, ჯერ აღვიქვამთ და მხოლოდ ამის შემდეგ ვხედავთ. ტვინში ორივე ინფორმაცია მიდის, მაგრამ აღქმა უსწრებს დანახვას. შესაბამისად იმ მომენტში, როცა ჩვენ საგანს ვამჩნევთ (რეალურად უფრო ადრე შევამჩნიეთ, მაგრამ ტვინს მხოლოდ ახლა მიეწოდა ინფორმაცია), ჩვენ ის უკვე აღქმული გვაქვს და ჩნდება ილუზია იმისა, რომ ეს სადღაც უკვე გვინახავს. არადა დავინახეთ ზუსტად ამ წამს, უბრალოდ ჯერ აღვიქვით და შემდეგ დავინახეთ, შესაბამისად აღქმის ინფორმაცია მეორედ მიეწოდა ტვინს და იქ დახვდა მანამდე მიწოდებული. ასე იქმნება გამეორების ილუზია.

თუმცა დეჟა ვუ იყოფა ტიპებად. ეს ტიპებია: დეჟა ვეკუ (ანუ ნიშნავს:უკვე გიცხოვრია), დეჟა სენტი(უკვე შეგრძნებულს ნიშნავს),დეჟა ვიზიტე(იქ უკვე ნამყოფს ნიშნავს).ეს ეტაპები როგორ აიხსნება ეგ უკვე აღარ ვიცი

დეჟა ვუს შესახებ ინფო დაახლოებით ასე ჟღერს, ვეცადე გარკვევით ყოფილიყო ყველაფერი დაწერილი